صبا قمر ٹیلنٹڈ اداکارہ، ہر پراجیکٹ بہترین، گرو رندھاوا

بھارتی میوزک انڈسٹری کے معروف پنجابی گلوکار گرو رندھاوا نے پاکستانی شوبز کی معروف اداکارہ صبا قمر کی تعریف کی ہے۔ ایک حالیہ انٹرویو میں، جب ان سے پوچھا گیا کہ انہیں پاکستانی اداکاراؤں میں کون سب سے زیادہ پسند ہے، تو گرو رندھاوا نے بلا جھجھک کہا کہ “صبا قمر بہت پسند ہیں، وہ ایک ٹیلنٹڈ اداکارہ ہیں اور ان کا ہر پراجیکٹ بہترین ہوتا ہے۔”

انہوں نے مزید کہا کہ انہوں نے صبا قمر کا کام ذاتی طور پر دیکھا ہے، خاص طور پر بالی ووڈ فلم “ہندی میڈیم” کے گانے “سوٹ سوٹ کردہ” میں ان کے ساتھ کام کرنے کا تجربہ بھی ان کے ذہن میں ہے۔

گرو رندھاوا نے صبا قمر سے فرمائش کی کہ وہ ان کی نئی فلم “شاہکوٹ” کی تشہیری مہم میں مدد کریں، کیونکہ وہ ان کی پسندیدہ اداکارہ ہیں۔

یاد رہے کہ گرو رندھاوا کی فلم “شاہکوٹ” 4 اکتوبر کو ریلیز کی جائے گی۔