ایک چینی شہری، جس نے اپنے ذاتی وسائل سے ایک الگ تھلگ گاؤں کے لیے پل تعمیر کروایا تھا، کو دو سال قید اور جرمانے کی سزا سنائی گئی ہے۔
شمالی چین کے صوبہ جیلن میں واقع ژین لن گاؤں کو 2005 سے قبل دریائے تاؤر نے مکمل طور پر منقطع کر رکھا تھا، جس کی وجہ سے مقامی لوگوں کو قریب ترین پل تک پہنچنے کے لیے تقریباً 70 کلومیٹر کا سفر کرنا پڑتا تھا۔
تاہم، یہ صورت حال اس وقت تبدیل ہوئی جب ہوانگ ڈیی نام کے ایک دیہاتی نے، جو پہلے گاؤں کے لیے ایک چھوٹی سی فیری چلایا کرتا تھا، نے فیصلہ کیا کہ علاقائی حکام پل تعمیر نہیں کریں گے۔ اس نے خود دریائے تاؤر پر ایک چھوٹا پل بنانے کا ارادہ کیا۔
پل کی تعمیر کو مقامی کمیونٹی نے خوشدلی سے قبول کیا، اور لوگوں نے اس پل کو استعمال کرنے کے لیے ہوانگ کو ایک معمولی قیمت ادا کرنے پر خوشی ظاہر کی کیونکہ یہ پل قریب ترین مجاز پل تک 70 کلومیٹر کا سفر کرنے سے کہیں زیادہ سستا اور تیز تھا۔
تاہم، تاونان واٹر افیئرز اتھارٹی نے پل کو ختم کرنے کا حکم دے دیا اور ہوانگ اور اس کے خاندان پر اپنے بنائے گئے پل سے غیر قانونی طور پر فائدہ اٹھانے کا الزام عائد کیا، جس کے نتیجے میں ہوانگ کو گرفتار کر لیا گیا۔
