لاس اینجلس۔ ایک خاتون کے سر میں جوئیں ہونے کی وجہ سے امریکی ایئر لائنز کے طیارے کو ہنگامی لینڈنگ کرنا پڑی
بھارتی خبر رساں ادارے کے مطابق لاس اینجلس سے نیویارک جانے والی امریکن ایئرلائنز کی پرواز 2201 کو خاتون کے بالوں میں جوئیں ہونے کی شکایت پر فوراً لینڈنگ کرنی پڑی۔
ایک مسافر، ایتھن جوڈیلسن نے ٹک ٹاک ویڈیو میں بتایا کہ عملے نے ہنگامی لینڈنگ کے بارے میں بہت کم معلومات فراہم کیں۔
ویڈیو میں مسٹر جوڈیلسن نے کہا کہ وہ سب کی حالت دیکھ رہے تھے اور کوئی بھی پریشان نہیں لگ رہا تھا، مگر جیسے ہی ہم لینڈ کرتے ہیں، ایک عورت تیزی سے ہوائی جہاز کے آگے کی طرف بھاگتی ہے۔
طیارے کی فوراً لینڈنگ کے بعد، جوڈیلسن نے سنا کہ دو مسافروں نے ایک خاتون کے سر میں جوئیں دیکھیں اور اس بات کی اطلاع فلائٹ اٹینڈنٹ کو دی۔
امریکن ایئر لائنز نے بعد میں کہا کہ طبی ایمرجنسی کی وجہ سے پرواز کا رخ تبدیل کر کے فوراً لینڈنگ کی گئی۔
مسافروں کو طیارے کی فوراً لینڈنگ کے بعد 12 گھنٹے کی تاخیر کی اطلاع دی گئی اور انہیں ہوٹل کے واؤچرز بھی فراہم کیے گئے۔یہ واقعہ 15 جون کو پیش آیا
