بالی وڈ کے مشہور جوڑے، سیف علی خان اور کرینہ کپور خان، کے حوالے سے حال ہی میں ایک نجومی کی پیش گوئی سامنے آئی ہے، جس میں دعویٰ کیا گیا ہے کہ ان کی شادی خطرے میں ہے اور دونوں جلد علیحدگی اختیار کر سکتے ہیں۔
یہ پیش گوئی ایسے وقت میں سامنے آئی ہے جب حال ہی میں سیف علی خان پر چاقو سے حملہ ہوا تھا۔ اس واقعے کے دوران کرینہ کپور کی عوامی سطح پر غیر موجودگی نے قیاس آرائیوں کو مزید تقویت دی ہے۔
نجومی سشیل کمار سنگھ نے ایک انٹرویو میں دعویٰ کیا کہ انہوں نے 2010 میں سیف اور کرینہ کی کنڈلی دیکھ کر یہ پیشن گوئی کی تھی کہ ان کی شادی طویل عرصے تک برقرار نہیں رہے گی۔ انہوں نے حالیہ حملے کو خاندانی تنازعات کا نتیجہ قرار دیتے ہوئے کہا کہ یہ جوڑا ڈیڑھ سال کے اندر طلاق لے سکتا ہے۔ سشیل کمار سنگھ نے اپنی پیش گوئی پر مکمل اعتماد کا اظہار کیا اور کہا کہ وہ اس دعوے پر قائم ہیں۔
سیف علی خان اور کرینہ کپور خان 2012 میں رشتہ ازدواج میں منسلک ہوئے تھے اور ان کے دو بیٹے، تیمور اور جہانگیر ہیں۔ نجومی کی پیش گوئی کے بعد، مداحوں میں تشویش کی لہر دوڑ گئی ہے، تاہم اس حوالے سے کسی بھی حتمی نتیجے پر پہنچنا قبل از وقت ہوگا۔
