چین کے سیاحتی گاؤں کی “جعلی برفباری” پر معذرت، عوامی ردِ عمل شدید
چین کے ایک مشہور سیاحتی گاؤں نے جعلی برف باری کے لیے کاٹن کا رُواں اور صابن کا پانی استعمال کرنے پر شدید عوامی ردِ عمل کے بعد معذرت کرلی۔
جعلی برف باری کا انکشاف
چینگڈو کے مضافاتی علاقے میں نئے سیاحتی مقام “چینگڈو اسنو ولیج پروجیکٹ” کا آغاز کیا گیا تھا، جس کا مقصد زائرین کو ایک برفانی گاؤں جیسا تجربہ فراہم کرنا تھا۔
تاہم، جنوری کے آخر میں غیر متوقع گرم موسم کے باعث اصل برف نہ ہونے کی وجہ سے انتظامیہ نے متبادل طریقے اختیار کیے۔
لوگوں نے جب کاشت شدہ کاٹن کا رُواں اور صابن کے جھاگ سے بنی برف دیکھی تو سخت مایوسی کا اظہار کیا۔
سیاحوں کا سخت ردعمل
ایک سیاح نے چینی سوشل میڈیا پر ویڈیو پوسٹ کرتے ہوئے کہا کہ “ہمیں دھوکہ دیا گیا، ہماری عقل کی توہین کی گئی ہے!”
افتتاح کے فوراً بعد ہی یہ انکشاف ہونے پر پروجیکٹ کو شدید تنقید کا سامنا کرنا پڑا۔
انتظامیہ کی وضاحت اور معذرت
چینگڈو اسنو ولیج پروجیکٹ کی انتظامیہ نے وضاحت دیتے ہوئے کہا کہ:
“قمری سال کی چھٹیوں کے دوران موسم غیر متوقع طور پر گرم رہا، جس کی وجہ سے برفباری کا وہ منظر نامہ ممکن نہ ہو سکا جو ہم نے تصور کیا تھا۔”
شدید عوامی ردِ عمل کے بعد انتظامیہ نے معذرت طلب کرلی، لیکن سوشل میڈیا پر لوگ جعلی سیاحتی تجربے پر بدستور تنقید کر رہے ہیں۔
