محققین نے حالیہ تحقیق میں دعویٰ کیا ہے کہ انہیں ایسے شواہد ملے ہیں جو ظاہر کرتے ہیں کہ 3.47 ارب سال قبل ایک سیارچہ زمین سے ٹکرایا تھا۔
آسٹریلیا میں ماہرین نے زمین پر اب تک کا قدیم ترین سیارچہ ٹکرانے کا گڑھا دریافت کیا ہے۔
تحقیقی جریدے نیچر کمیونیکیشنز میں شائع ہونے والی رپورٹ کے مطابق یہ گڑھا آسٹریلیا کے ساحلی علاقے میں موجود تھا اور اس کی عمر 3.47 ارب سال بتائی جا رہی ہے۔
آسٹریلیا کی کرٹن یونیورسٹی کے پروفیسر ٹم جانسن کے مطابق، اس دریافت سے پہلے سب سے قدیم سیارچہ ٹکرانے کا گڑھا 2.2 ارب سال پرانا تھا، جس کے مقابلے میں یہ زمین پر ملنے والا سب سے قدیم گڑھا ہے۔
