تل ابیب: اسرائیل نے غزہ میں جاری جنگ بندی کے معاہدے میں عارضی توسیع کی امریکی تجویز کو منظور کر لیا ہے، جس کا اعلان وزیرِاعظم بنیامین نیتن یاہو کے دفتر سے کیا گیا۔
سرکاری بیان کے مطابق، جنگ بندی میں یہ توسیع رمضان المبارک اور اپریل کے وسط میں آنے والے یہودی تہوار کے دوران کی جائے گی، تاکہ صورتحال میں کچھ بہتری آسکے۔
اسرائیلی وزیرِاعظم آفس کا مزید کہنا ہے کہ جنگ بندی کے پہلے دن زندہ یا مردہ یرغمالیوں کا نصف حصہ اسرائیل کے حوالے کیا جائے گا۔ تاہم، اس معاہدے پر حماس یا ثالثی کرنے والے ممالک کی جانب سے کوئی باضابطہ ردعمل سامنے نہیں آیا ہے۔
یہ فیصلہ ایسے وقت میں آیا ہے جب گزشتہ روز اسرائیل اور حماس کے درمیان جنگ بندی معاہدے کا پہلا مرحلہ مکمل ہو چکا تھا۔
