راولپنڈی ۔تحریک انصاف کے بانی عمران خان نے چیف جسٹس آف پاکستان کو خط لکھنے کا فیصلہ کیا ہے اور کہا کہ ہم اس ملک کے سٹیک ہولڈرز ہیں ،تمام اداروں کے دروازے کھٹکھٹائیں گے ،26 آئینی ترمیم کیلئے ووٹ ڈالنے والوں کی پارٹی میں کوئی گنجائش نہیں ۔
بانی پی ٹی آئی سے ملاقات کے بعد بیرسٹر وکیل سلمان اکرم راجہ نے کہا کہ بانی پی ٹی آئی سے طویل وفقے کے بعد ملاقات ہوئی ہے،ہمیں تشویش تھی لیکن بانی کی صحت بلکل ٹھیک ہے،بانی نے کہا ہے جیل کا نظام نادیدہ قوتوں کے تابع ہے۔
بانی نے کہا چھ ماہ میں چوتھی مرتبہ بچوں سے بات کرائی گئی،بانی نے کہا ہے چیف جسٹس کو خط لکھوں گا،چیف جسٹس آف پاکستان کو جیل معاملات پر خط لکھوں گا۔
بانی نے کہا ہے سندھ کے حقوق کیلئے پی ٹی آئی لڑے گی،ہم عوام کیلئے سیاست کررہے ہیں،پنجاب میں ہر روز فسطائیت کا نیا واقعہ سامنے آرہا ہے،بانی نے کہا ہے عوام کی ہم پر نظر ہے۔انتظامی معاملات پر کچھ ہدایات جاری کی ہیں۔
بانی نے کہا ہے پارٹی کے جو لوگ حکومتی عہدوں پر ہیں وہ پارٹی عہدے چھوڑ دیں،ہم پاکستان کے اسٹیل ہولڈر ہیں ہم ہر ادارے کا دروازہ کھٹکھٹائیں گے،جن لوگوں نے چھبیسویں ترمیم میں ووٹ ڈالا انکی تو پارٹی میں کوئی گنجائش نہیں،جو لوگ 26 ویں ترمیم میں غائب تھے یا رابطے میں نہیں انکے متعلق فردا فردا فیصلہ ہوگا۔شیر افضل مروت صاحب پارٹی سے باہر ہیں انکا فیصلہ برقرار ہے۔
بانی نے کہا ہے کرکٹ کو تباہ کیا گیا ہے۔بانی نے کہا ہے کرکٹ ناتجربہ کار لوگوں کے حوالے کی گئی ہے۔
