بالی ووڈ کے سپر اسٹار عامر خان دنیا بھر کی طرح چین میں بھی اپنی بہترین اداکاری کی وجہ سے مشہور ہیں، اور حیران کن طور پر وہ واحد اداکار ہیں جنہیں چین کے شہری “انکل عامر” کے نام سے جانتے ہیں۔
عامر خان نے چین میں اپنی مقبولیت کے راز سے پردہ اٹھاتے ہوئے کہا کہ چین کی حکومت کی طرف سے پائریسی قوانین میں کی جانے والی اصلاحات نے ان کی پہچان چین کے ہر گھر تک پہنچا دی۔
ان کی فلم تھری ایڈیٹ جو بھارتی تعلیمی نظام پر مبنی تھی، چین میں پائریسی کی وجہ سے بے پناہ مقبول ہوئی اور اسی فلم کی بدولت وہ چین میں “انکل عامر” کے نام سے مشہور ہوئے۔
عامر خان نے کہا کہ چینی ناظرین نے ایک مختلف ثقافت کی فلم کو محبت اور احترام سے قبول کیا۔ تھری ایڈیٹ کے بعد، ان کی دیگر فلمیں جیسے پی کے اور دنگل بھی چین میں کامیاب ہوئیں۔
عامر خان اور درشیل سفاری جو تارے زمین پر میں ایک ساتھ کام کر چکے ہیں، 14 سال بعد ستارے زمین پر کے سیکوئل میں دوبارہ اکٹھے ہو رہے ہیں۔
پروڈکشن کے محاذ پر عامر خان راجکمار سنتوشی کی فلم لاہور 1947 کے پروڈیوسر ہوں گے، جس میں سنی دیول مرکزی کردار میں ہوں گے۔
