نئی دہلی۔بالی ووڈ اداکارہ اروشی روٹیلا اپنی حالیہ فلم ڈاکو مہاراج کی وجہ سے خبروں میں ہیں، اور اب ان کی اس فلم میں مختصر پرفارمنس کے معاوضے کی تفصیلات بھی سامنے آئی ہیں۔
بھارتی میڈیا رپورٹس کے مطابق، اروشی نے ننداموری بالاکرشنا کی ایکشن سے بھرپور تفریحی فلم میں صرف 3 منٹ کی پرفارمنس کے لیے 3 کروڑ روپے وصول کیے۔ یعنی، انہوں نے فی منٹ 1 کروڑ بھارتی روپے کا معاوضہ چارج کیا۔
رپورٹ کے مطابق، اروشی کے مجموعی اثاثے تقریباً 236 کروڑ روپے کے ہیں، اور وہ بطور انفلوئنسر بھی بڑی کمائی کرتی ہیں۔ ان کے انسٹاگرام پر 73 ملین سے زائد فالوورز موجود ہیں، جو انہیں سوشل میڈیا پر بھی ایک نمایاں شخصیت بناتے ہیں۔
یہ بھی قابل ذکر ہے کہ ڈاکو مہاراج کو ریلیز کے بعد شاندار پذیرائی ملی ہے، اور یہ فلم باکس آفس پر 104 کروڑ روپے سے زیادہ کا بزنس کر چکی ہے۔
