لندن۔انٹرنیشنل کرکٹ کونسل (آئی سی سی) نے ویمنز ٹی ٹوئنٹی ٹیم آف دی ایئر 2024ء کا اعلان کر دیا، جس میں پاکستان کی ایک کھلاڑی بھی شامل ہے۔
اس ٹیم میں بھارت کے 3، جنوبی افریقہ کے 2، جبکہ پاکستان، ویسٹ انڈیز، سری لنکا، انگلینڈ، نیوزی لینڈ اور آئرلینڈ کے ایک ایک کھلاڑی کو جگہ دی گئی ہے۔
رپورٹ کے مطابق جنوبی افریقہ کی لورا وولوارڈٹ کو ٹیم کی کپتان مقرر کیا گیا ہے، جبکہ دیگر کھلاڑیوں میں سمرتی مندھانا، چماری اتھاپتھو، ہیلی میتھیوز، نیٹ اسکیور برنٹ، میلی کیر، ریچا گوشا (وکٹ کیپر)، مریزین کیپ، اورلا پرینڈرگاسٹ، دیپتی شرما اور پاکستان کی سعدیہ اقبال شامل ہیں۔
یاد رہے کہ اس سے قبل آئی سی سی نے ویمنز ون ڈے انٹرنیشنل ٹیم آف دی ایئر 2024ء کا اعلان کیا تھا، جس میں کوئی پاکستانی کھلاڑی شامل نہیں تھی۔
اسی طرح آئی سی سی نے مینز ون ڈے ٹیم آف دی ایئر کا بھی اعلان کیا، جس میں پاکستان کے 3 کھلاڑی صائم ایوب، شاہین شاہ آفریدی اور حارث رؤف شامل ہیں۔
