سیریز کے پہلے ون ڈے میچ میں زمبابوے نے پاکستان کو 80 رنز سے شکست دے دی۔
زمبابوے کی ٹیم نے 206 رنز کا ہدف پاکستان کو دیا تھا، لیکن بارش کے باعث میچ روکنا پڑا۔ پاکستان نے 21 اوورز میں 6 وکٹوں کے نقصان پر 60 رنز بنائے تھے، جب کہ بارش نہ رکنے پر زمبابوے نے ڈی ایل ایس قانون کے تحت یہ میچ 80 رنز سے جیت لیا۔
بارش سے قبل پاکستان کے اوپنر عبداللہ شفیق 11 کے مجموعی اسکور پر آؤٹ ہوئے، جب کہ صائم ایوب 17 کے اسکور پر پویلین لوٹ گئے۔ عبداللہ شفیق نے ایک رن اور صائم ایوب نے 11 رنز بنائے۔ کامران غلام 17، سلمان آغا 4، عرفان خان 7 اور حسیب اللہ خان صفر پر آؤٹ ہوئے۔
زمبابوے کی بیٹنگ کا آغاز جارحانہ تھا، تاہم 40 کے مجموعی اسکور پر جویلورڈ گمبی 15 رنز پر رن آؤٹ ہوگئے، جب کہ ڈیون مائرز 8 رنز پر پویلین لوٹ گئے۔ کپتان کریگ ایروائن 6، تادیوانشے مارومانی 29، شان ولیمز 23، برائن بینیٹ 20، برینڈن ماوتا 1 اور بلیسنگ مزربانی صفر پر آؤٹ ہوئے۔ زمبابوے کی آٹھویں وکٹ کی شراکت میں سکندر رضا اور رچرڈ نگروا نے 62 رنز کی پارٹنرشپ قائم کی، تاہم رضا 39 رنز بناکر فیصل اکرم کا شکار بنے۔ رچرڈ نگروا نے 48 رنز کی مزاحمتی اننگز کھیلی، جس میں 5 چوکے اور ایک چھکا شامل تھا۔
پاکستان کی جانب سے سلمان آغا اور فیصل اکرم نے 3، 3 وکٹیں حاصل کیں، جب کہ حارث رؤف، عامر جمال اور محمد حسنین نے ایک ایک وکٹ حاصل کی۔
قبل ازیں قومی ٹیم کے کپتان محمد رضوان نے ٹاس جیت کر پہلے فیلڈنگ کرنے کا فیصلہ کیا تھا۔ ان کا کہنا تھا کہ وہ میزبان ٹیم کو کم اسکور پر آؤٹ کرنے کی کوشش کریں گے اور دورے کا فاتحانہ آغاز کرنے کی خواہش رکھتے ہیں۔
زمبابوے کے کپتان کریگ ایروائن نے کہا کہ وہ ہوم گراؤنڈ پر پاکستان کے خلاف جیت کے لیے پُرعزم ہیں۔
زمبابوے کا اسکواڈ:
کپتان کریگ ایروائن، برائن بینیٹ، جویلورڈ گمبی، ٹریور گوانڈو، تانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز
پاکستان کا اسکواڈ:
کپتان محمد رضوان، صائم ایوب، عبداللہ شفیق، کامران غلام، حسیب اللہ خان، سلمان علی آغا، محمد عرفان خان، عامر جمال، حارث رؤف، محمد حسنین، فیصل اکرم
زمبابوے کی ٹیم نے 206 رنز کا ہدف پاکستان کو دیا تھا، لیکن بارش کے باعث میچ روکنا پڑا۔ پاکستان نے 21 اوورز میں 6 وکٹوں کے نقصان پر 60 رنز بنائے تھے، جب کہ بارش نہ رکنے پر زمبابوے نے ڈی ایل ایس قانون کے تحت یہ میچ 80 رنز سے جیت لیا۔
بارش سے قبل پاکستان کے اوپنر عبداللہ شفیق 11 کے مجموعی اسکور پر آؤٹ ہوئے، جب کہ صائم ایوب 17 کے اسکور پر پویلین لوٹ گئے۔ عبداللہ شفیق نے ایک رن اور صائم ایوب نے 11 رنز بنائے۔ کامران غلام 17، سلمان آغا 4، عرفان خان 7 اور حسیب اللہ خان صفر پر آؤٹ ہوئے۔
زمبابوے کی بیٹنگ کا آغاز جارحانہ تھا، تاہم 40 کے مجموعی اسکور پر جویلورڈ گمبی 15 رنز پر رن آؤٹ ہوگئے، جب کہ ڈیون مائرز 8 رنز پر پویلین لوٹ گئے۔ کپتان کریگ ایروائن 6، تادیوانشے مارومانی 29، شان ولیمز 23، برائن بینیٹ 20، برینڈن ماوتا 1 اور بلیسنگ مزربانی صفر پر آؤٹ ہوئے۔ زمبابوے کی آٹھویں وکٹ کی شراکت میں سکندر رضا اور رچرڈ نگروا نے 62 رنز کی پارٹنرشپ قائم کی، تاہم رضا 39 رنز بناکر فیصل اکرم کا شکار بنے۔ رچرڈ نگروا نے 48 رنز کی مزاحمتی اننگز کھیلی، جس میں 5 چوکے اور ایک چھکا شامل تھا۔
پاکستان کی جانب سے سلمان آغا اور فیصل اکرم نے 3، 3 وکٹیں حاصل کیں، جب کہ حارث رؤف، عامر جمال اور محمد حسنین نے ایک ایک وکٹ حاصل کی۔
قبل ازیں قومی ٹیم کے کپتان محمد رضوان نے ٹاس جیت کر پہلے فیلڈنگ کرنے کا فیصلہ کیا تھا۔ ان کا کہنا تھا کہ وہ میزبان ٹیم کو کم اسکور پر آؤٹ کرنے کی کوشش کریں گے اور دورے کا فاتحانہ آغاز کرنے کی خواہش رکھتے ہیں۔
زمبابوے کے کپتان کریگ ایروائن نے کہا کہ وہ ہوم گراؤنڈ پر پاکستان کے خلاف جیت کے لیے پُرعزم ہیں۔
زمبابوے کا اسکواڈ:
کپتان کریگ ایروائن، برائن بینیٹ، جویلورڈ گمبی، ٹریور گوانڈو، تانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز
پاکستان کا اسکواڈ:
کپتان محمد رضوان، صائم ایوب، عبداللہ شفیق، کامران غلام، حسیب اللہ خان، سلمان علی آغا، محمد عرفان خان، عامر جمال، حارث رؤف، محمد حسنین، فیصل اکرم
