لندن۔انٹرنیشنل کرکٹ کونسل (آئی سی سی) نے بھارتی کرکٹ بورڈ (بی سی سی آئی) کے دباؤ پر آزاد کشمیر کو پاکستان کے چیمپئنز ٹرافی 2025 کے ٹرافی ٹور کے پروگرام سے نکال دیا ہے۔
آئی سی سی نے چیمپئنز ٹرافی سے قبل عالمی ٹرافی ٹور کا اعلان کیا تھا، جس میں ابتدائی طور پر مظفرآباد (آزاد کشمیر) کو شامل کیا گیا تھا، تاہم بی سی سی آئی کی جانب سے اعتراضات کے بعد اسے منسوخ کر دیا گیا۔
ٹرافی ٹور کے دوران ٹرافی کا آغاز اسلام آباد سے ہوگا، جہاں اسے پاکستان مونومنٹ، دامن کوہ، اور فیصل مسجد لے جایا جائے گا۔ اس موقع پر سابق کرکٹر شعیب اختر کو ٹور کا آئیکون مقرر کیا گیا ہے۔
ٹرافی ٹور شیڈول:
- 16 نومبر: اسلام آباد
- 17 نومبر: ٹیکسلا اور خان پور
- 18 نومبر: ایبٹ آباد
- 19 نومبر: مری
- 20 نومبر: نتھیا گلی
- 22 تا 25 نومبر: کراچی کے مختلف مقامات
آئی سی سی کے اس فیصلے پر کرکٹ شائقین اور پاکستان کرکٹ بورڈ (پی سی بی) کی جانب سے مایوسی کا اظہار کیا جا رہا ہے، کیونکہ یہ فیصلہ بی سی سی آئی کے سیاسی دباؤ کے زیر اثر ہونے کی عکاسی کرتا ہے۔
ٹرافی کا سفر دیگر پاکستانی شہروں تک جاری رہے گا، لیکن کشمیر کو پروگرام سے نکالنے کے فیصلے نے تنازع کو جنم دیا ہے۔
