اسلام آباد: آذر بائیجان کے صدر الہام علیوف 26 یا 27 اپریل کو پاکستان کے سرکاری دورے پر آئیں گے۔
آذری سربراہ کے قیام کے دوران موٹر وے M-6، M-9 اور توانائی کے شعبے میں سرمایہ کاری کے حوالے سے اہم معاہدے طے پانے کی توقع ہے۔
ان معاہدوں کو حتمی شکل دینے کے لیے آذربائیجان کے وزیر اقتصادیات میکائیل جباروف 8 اپریل کو اسلام آباد پہنچیں گے۔
ذرائع کا کہنا ہے کہ دونوں ممالک کے مابین تجارتی اور اقتصادی روابط کو مزید مستحکم کرنے کے لیے یہ دورہ غیرمعمولی اہمیت کا حامل ہے۔
