پشاور: خیبر پختونخوا کے ضلع ٹانک میں عوامی تحفظ اور امن و امان کے خاطر 2 اپریل 2025 کو دفعہ 144 نافذ کردی گئی۔
ڈپٹی کمشنر کی جانب سے جاری نوٹیفکیشن کے مطابق، 6 بجے صبح سے 6 بجے شام تک ٹانک ڈیرہ روڈ سے لے کر شیخ مارکیٹ بائی پاس، اور بائی پاس سے ڈبرہ تک تمام قسم کی آمد و رفت پر پابندی عائد کی گئی ہے۔
قانون نافذ کرنے والے ادارے اور ہنگامی سروسز اس پابندی سے مستثنیٰ ہوں گے، جبکہ اس حکم کی خلاف ورزی کرنے والوں کے خلاف قانونی کارروائی کی جائے گی۔
یاد رہے کہ گزشتہ ہفتے ٹانک میں ڈی ایس پی سٹی کی وین پر دہشت گردوں نے حملہ کیا تھا، تاہم پولیس کی فوری جوابی کارروائی کے نتیجے میں ایک زخمی حملہ آور اپنے ساتھیوں کے ساتھ فرار ہونے میں کامیاب ہوگیا تھا۔
