نیو یارک۔امریکا میں ایک شہری نے لاٹری ٹکٹ وینڈنگ مشین پر غلط بٹن دبانے کے باعث غیر متوقع طور پر 50,000 ڈالر کا انعام جیت لیا۔
میری لینڈ کے رہائشی نے لاٹری حکام کو بتایا کہ وہ پچھلے ہفتے بیل ایئر واوا کے اسٹور پر لاٹری ٹکٹ خریدنے کے لیے رکا، جو اس کی روزمرہ کی روٹین کا حصہ ہے۔
اس کا کہنا تھا، “میں ہر روز کام پر جاتے ہوئے ایک لاٹری اسٹور پر ٹھہرتا ہوں۔ اپنی گاڑی میں ایندھن بھرواتا ہوں، کافی پیتا ہوں اور لاٹری اسکریچ کارڈ خریدتا ہوں۔ یہ میرا معمول ہے۔”
مگر اس دن وینڈنگ مشین پر غلط بٹن دبانے کے نتیجے میں اسے ایک ایسا لاٹری ٹکٹ ملا جسے خریدنے کا ارادہ نہیں تھا۔
یہ ٹکٹ Monopoly X20 تھا، اور جب اس نے اسے اسکریچ کیا تو معلوم ہوا کہ وہ 50,000 ڈالر کی انعامی رقم جیت چکا ہے۔
