اسلام آباد: پاکستان الیکٹرانک میڈیا ریگولیٹری اتھارٹی (پیمرا) نے مالی کرپشن اور اپنی پوزیشن کے ناجائز استعمال کے باعث اپنے دو ملازمین کو برطرف کر دیا ہے۔
ملازمین کے خلاف ایک شہری شاہد اقبال نے شکایت درج کرائی تھی، جس میں کہا گیا کہ ان ملازمین نے وزارت خارجہ میں نوکری دلانے کے عوض اس سے پیسے وصول کیے تھے۔
برطرف ہونے والے ملازمین میں قاسم عباس، جو سابقہ ڈپٹی ڈائریکٹر پیمرا ریجنل آفس گوجرانوالہ میں کام کر رہے تھے، اور مجاہد عباس، جو سابق جونیئر اسسٹنٹ پیمرا ریجنل آفس ملتان میں تعینات تھے، شامل ہیں۔
پیمرا کے مطابق دونوں ملازمین نے ادارے کے خلاف سوشل میڈیا پر ہرزہ سرائی بھی کی تھی۔
