اسلام آباد:معیشت کی بحالی اور بجلی کے بحران پر قابو پانے کے لیے حکومت اور عسکری قیادت کے مشترکہ اقدامات کے مثبت نتائج سامنے آنے لگے ہیں۔
ملک بھر میں بجلی چوروں کے خلاف مہم میں اب تک 108 ارب 93 کروڑ روپے وصول کیے جا چکے ہیں، اور 84 ہزار سے زیادہ افراد کو گرفتار کیا گیا ہے۔
خطے میں سب سے مہنگی بجلی،وفاقی وزیر توانائی کا اعتراف
اگست کے دوران متعلقہ اداروں نے لاہور، گجرانوالہ، فیصل آباد، ملتان اور اسلام آباد میں بجلی چوروں سے 686 کروڑ روپے سے زائد رقم حاصل کی۔ اسی طرح، پشاور، حیدرآباد، سکھر، اور کوئٹہ سے بھی 413 کروڑ روپے وصول کیے گئے۔ متعلقہ ادارے بجلی چوروں کا مکمل خاتمہ کرنے تک اپنی کارروائیاں جاری رکھنے کے عزم میں ہیں۔
اس مہم کے نتائج میں بجلی کی چوری میں کمی اور ترسیل میں بہتری دیکھی گئی ہے، جس سے ملکی معیشت کو بھی تقویت ملی ہے۔ صنعتوں اور دیگر شعبوں کو بجلی کی بہتر فراہمی نے عوام میں اعتماد و امید پیدا کی ہے کہ ملک ترقی کی راہ پر گامزن ہو سکے گا۔