سان فرانسس۔۔سماجی رابطے کے پلیٹ فارم ایکس (سابقہ ٹوئٹر) کے مالک ایلون مسک نے سان فرانسسکو میں قائم کمپنی کے ہیڈکوارٹرز کو بند کرنے کا اعلان کر دیا۔
ایلون مسک کا کہنا تھا کہ 10 سال سے زائد عرصے تک کمپنی کے زیر استعمال دفتر کو بند کرنے کے علاوہ ان کے پاس کوئی چارہ نہیں تھا۔
کمپنی کی تشکیلِ نو کے طور پر ایلون مسک پلیٹ فارم کو ’ایوری تھنگ ایپ‘ بنانے کا ارادہ رکھتے ہیں جو صارفین کو رقوم بھیجنے اور وصول کرنے میں مدد دے گی۔
ایکس پر ایک پوسٹ میں ان کا کہنا تھا کہ اگر آپ رقوم بھیجنا یا وصول کرنا چاہتے ہیں تو سان فرانسسکو میں کام کرنا ناممکن ہے۔ اس لیے اسٹرائپ، بلاک (کیش ایپ) اور دیگر کو یہاں سے جانا پڑا۔
پوسٹ میں ایلون مسک کا اشارہ بظاہر کیلیفورنیا کے معاشی قوانین کی جانب ہے۔ تاہم، اسٹرائپ کے مطابق 2019 میں کمپنی نے سان فرانسسکو میں دفتر کے لیے جگہ کی عدم دستیابی کی وجہ سے چھوڑا تھا۔
ایکس چیف ایگزیکٹیو لِنڈا ییکارینو نے اسٹاف کو کی جانے والی ایک ای میل میں بتایا کہ یہ دفاتر آئندہ چند ہفتوں میں بند کر دیے جائیں گے۔