پاکستان تحریکِ انصاف کے سینئر رہنما شاہ محمود قریشی کو دل کی تکلیف کے باعث اسپتال منتقل کیا گیا تھا، تاہم اب ڈاکٹرز نے انہیں ڈسچارج کرنے کا فیصلہ کر لیا ہے۔ یہ فیصلہ ایسے وقت میں سامنے آیا ہے جب ان کی حالت پر اہلخانہ اور وکلاء کی جانب سے سنجیدہ تحفظات کا اظہار کیا گیا ہے۔
شاہ محمود قریشی کے وکیل نے میڈیا سے گفتگو کرتے ہوئے کہا:
“شاہ محمود قریشی کا بلڈ پریشر اور ہارٹ ریٹ اب بھی معمول سے زیادہ ہے جبکہ ان کے تمام میڈیکل ٹیسٹس کی رپورٹس تاحال موصول نہیں ہوئیں۔”
اہلخانہ نے بھی تشویش کا اظہار کرتے ہوئے کہا کہ مریض کی موجودہ حالت کو مدنظر رکھتے ہوئے ڈسچارج کا فیصلہ قبل از وقت اور غیر ذمہ دارانہ ہے۔
ذرائع کے مطابق شاہ محمود قریشی کو گزشتہ روز اچانک سینے میں تکلیف کی شکایت پر اسپتال منتقل کیا گیا تھا جہاں انہیں ابتدائی طبی امداد دی گئی۔ تاہم اب طبی ماہرین کی ٹیم نے انہیں واپس جیل منتقل کرنے کی سفارش کی ہے۔
