بیجنگ۔چین میں پاکستانی سفارت خانے نے دونوں ممالک کے درمیان سفارتی تعلقات کے 74 سال مکمل ہونے اور صدر شی جن پنگ کے 2015 ءکے تاریخی دورہ پاکستان کی 10 ویں سالگرہ کے موقع پر “آئرن برادرز تھرو ٹائم کے عنوان سے ایک خصوصی تصویری نمائش کا افتتاح کیا۔
چائنہ اکنامک نیٹ کے مطابق سفیر خلیل ہاشمی نے اپنے کلیدی خطاب میں اس نمائش کو “دوستی کے استحکام کا زندہ ثبوت قرار دیا جو وقت، تبدیلیوں اور آزمائشوں پر پورا اتری ہے۔ انہوں نے صدر شی جن پنگ کے طیارے کو پاکستان انٹرنیشنل ایئر لائنز تک پہنچانے سے لے کر 1964 میں چین میں اترنے والی پہلی غیر کمیونسٹ ایئرلائن بننے تک کے اہم لمحات کی تصاویر پر روشنی ڈالی۔
سفیر ہاشمی نے قومی شاعر علامہ اقبال کا حوالہ دیتے ہوئے کہا کہ یہ دوستی سہولت کی پیداوار نہیں ہے اور پاک چین تعلقات شعوری عزم اور باہمی احترام پر مبنی ہیں۔ “یہ نمائش ہمیں نہ صرف اس بات کی یاد دلاتی ہے کہ ہم نے کیا حاصل کیا ہے، بلکہ ہم امن، خوشحالی، استحکام اور اعتماد کے لئے کھڑے ہیں۔
