عورت ہے، اس کا جسمانی ریمانڈ کیوں درکار ہے؟ صنم جاوید کیخلاف مقدمے میں چیف جسٹس کا استفسار

اسلام آباد ۔سپریم کورٹ میں پاکستان تحریک انصاف کی کارکن صنم جاوید کے خلاف 9 مئی 2023 کے حوالے سے مقدمے کی سماعت کے دوران چیف جسٹس پاکستان یحییٰ آفریدی نے کہا کہ ملزمہ ایک خاتون ہے، پھر اس کا جسمانی ریمانڈ لینے کی کیا ضرورت ہے؟

سپریم کورٹ میں پی ٹی آئی کی کارکن صنم جاوید کے خلاف 9 مئی 2023 کے مقدمے کی سماعت ہوئی، جس کی صدارت چیف جسٹس کی سربراہی میں تین رکنی بنچ نے کی۔

سماعت کے دوران چیف جسٹس نے سوال اٹھایا کہ چونکہ ملزمہ خاتون ہے، تو اس کے جسمانی ریمانڈ کی کیا وجہ ہے؟ اسپیشل پراسیکیوٹر ذوالفقار نقوی نے عدالت کو بتایا کہ جسمانی ریمانڈ کے خلاف اپیل پر ہائی کورٹ نے صنم جاوید کو مقدمے سے بری کر دیا ہے۔

سپریم کورٹ نے صنم جاوید کو نوٹس جاری کر دیا۔ ملزمہ صنم جاوید نے جسمانی ریمانڈ کے خلاف ہائی کورٹ میں اپیل دائر کی تھی۔