اسلام آباد ۔وفاقی اینٹی کرپشن عدالت میں ٹڈاپ کرپشن کیس کی سماعت کے دوران سابق وزیراعظم یوسف رضا گیلانی اور عدالت کے جج کے درمیان ایک دلچسپ مکالمہ ہوا۔ یوسف رضا گیلانی نے کہا کہ مجھے جیل سے کوئی خوف نہیں، ہمارے لیے جیل کوئی نئی بات نہیں، اگر چاہیں تو مجھے پھانسی دے دیں۔
چیئرمین سینیٹ یوسف رضا گیلانی کے خلاف ٹڈاپ کرپشن اسکینڈل کی سماعت کراچی کی اینٹی کرپشن کورٹ میں ہوئی۔
سماعت کے دوران جج نے یوسف رضا گیلانی سے سوال کیا کہ آپ کراچی، اسلام آباد یا ملتان میں سے کس جیل میں جانا پسند کریں گے؟ تو یوسف رضا گیلانی نے جواب دیا کہ مجھے جیل سے کوئی ڈر نہیں، ہمارے لیے جیل کوئی نئی چیز نہیں، چاہیں تو مجھے پھانسی دے دیں۔
اس پر جج مسکرا دیے، اور پھر عدالت نے سوال کیا کہ آپ کو گھر کی جیل کیوں پسند نہیں؟ جس پر یوسف رضا گیلانی نے کہا کہ میرا آبائی گھر ملتان میں ہے، فیملی لاہور میں ہے اور سینیٹ کا دفتر اسلام آباد میں ہے۔
آخرکار، وفاقی اینٹی کرپشن کورٹ کے جج نے کہا کہ گیلانی صاحب، آپ پر کوئی الزام ثابت نہیں ہوا، لہذا آپ باعزت بری ہیں اور آپ کے خلاف گواہی دینے والے افراد اب اس کیس میں ملزم بن چکے ہیں۔
