لاہور۔چیمپیئنز ٹرافی 2025 کے سیمی فائنل میں بھارتی ٹیم سے شکست کے بعد، آسٹریلیا کے کپتان اسٹیو اسمتھ نے ون ڈے کرکٹ سے ریٹائرمنٹ کا اعلان کر دیا۔
اسٹیو اسمتھ نے اپنی ریٹائرمنٹ کا اعلان کرتے ہوئے کہا کہ وہ ٹیسٹ اور ٹی ٹوئنٹی فارمیٹ کے لیے دستیاب رہیں گے۔ انہوں نے یہ بھی امید ظاہر کی کہ ورلڈ کپ 2027 تک میری جگہ کوئی نیا نوجوان کھلاڑی آئے گا اور اس حوالے سے تیاریاں شروع کرنے کا یہ بہترین موقع ہے۔
اسمتھ نے اپنے ون ڈے کیریئر کے حوالے سے کہا کہ یہ سفر بہت شاندار رہا اور وہ ہر لمحے سے لطف اندوز ہوئے، اور ان کے پاس بہت سی خوبصورت یادیں ہیں۔ انہوں نے اپنے ٹیم کے ساتھیوں کے ساتھ دو ورلڈ کپ جیتنے کو اپنی بڑی کامیابی قرار دیا۔
سابق ون ڈے کپتان نے مزید کہا کہ ٹیسٹ کرکٹ ہمیشہ ان کی ترجیح رہے گی اور وہ ورلڈ ٹیسٹ چیمپیئن شپ کے فائنل میں کھیلنے کے لیے بے حد پرجوش ہیں۔
واضح رہے کہ بھارت نے آسٹریلیا کو 14 سال بعد آئی سی سی ٹورنامنٹ کے ناک آؤٹ میچ میں شکست دی ہے، جبکہ آسٹریلیا نے 2011 کے بعد تین بار بھارت کو ناک آؤٹ میچوں میں شکست دی تھی۔
اسٹیو اسمتھ سے پہلے انگلینڈ کے کپتان جوز بٹلر نے بھی چیمپیئنز ٹرافی میں خراب کارکردگی کے باعث اپنے ریٹائرمنٹ کا اعلان کیا تھا۔ انگلش ٹیم کو ایونٹ میں تمام میچوں میں شکست کا سامنا کرنا پڑا، جن میں افغانستان سے ہار بھی شامل تھی۔
