اسلام آباد ۔ایوانِ صدر میں منعقدہ حلف برداری کی تقریب میں صدرِ مملکت آصف علی زرداری نے نئے وزرا سے حلف لیا۔تقریب میں وزیرِاعظم شہباز شریف اور دیگر وفاقی وزرا بھی شریک تھے۔
کابینہ میں مزید 13 وفاقی وزرا اور 11 وزرائے مملکت کی شمولیت کے بعد اس کی مجموعی تعداد 31 ہو گئی ہے۔
حلف اٹھانے والے وفاقی وزرا میں حنیف عباسی، ڈاکٹر طارق فضل چوہدری، معین وٹو، مصطفیٰ کمال، سردار یوسف، علی پرویز، شزہ فاطمہ، جنید انور، خالد مگسی، پیر عمران شاہ، اورنگزیب کھچی، رانا مبشر اور رضا حیات ہراج شامل ہیں۔
نئے وزرائے مملکت میں بیرسٹر عقیل ملک، ملک رشید، ارمغان سبحانی، طلال چوہدری، کھیئل داس، رحمان کانجو، بلال کیانی، مختار بھرت، شذرہ منصب، انور چوہدری اور وجیہہ قمر شامل ہیں۔
اس کے علاوہ، وزیرِاعظم کے تین مشیروں، جن میں توقیر شاہ اور محمد علی بھی شامل ہیں، نے بھی اپنے عہدوں کا حلف اٹھا لیا۔
