اسلام آباد ۔ابوظبی کے ولی عہد شہزادہ شیخ خالد بن محمد بن زاید النہیان پاکستان کے دارالحکومت اسلام آباد پہنچ گئے۔
ان کا طیارہ اسلام آباد انٹرنیشنل ایئرپورٹ پر اترا، جہاں ان کے ہمراہ ابوظبی کے وزرا، اعلیٰ حکام اور کاروباری شخصیات بھی پہنچیں۔
وزیر اعظم شہباز شریف، صدر مملکت آصف علی زرداری اور دیگر اعلیٰ عہدیداروں نے ان کا پرتپاک استقبال کیا۔ معزز مہمان کے اعزاز میں ریڈ کارپٹ بچھایا گیا، جبکہ بچوں نے انہیں پھولوں کے گلدستے پیش کیے۔
ولی عہد اور ان کا وفد ایئرپورٹ سے وزیر اعظم ہاؤس روانہ ہوگیا، جہاں وہ ملاقاتوں میں دوطرفہ تجارت کے فروغ اور پاکستان میں سرمایہ کاری کے امکانات پر تبادلہ خیال کریں گے۔
