اسلام آباد ۔پاکستان انٹرنیشنل ایئر لائن (پی آئی اے) کی لاہور سے دبئی جانے والی پرواز ایک بڑے حادثے سے بچ گئی۔
رپورٹس کے مطابق، لاہور سے دبئی جانے والی پی آئی اے کی پرواز پی کے 203 کے طیارے سے ایک پرندہ ٹکرا گیا، اور یہ ٹکراﺅ ایئر بس طیارے کے انجن کے ساتھ ہوا۔
کپتان نے ایئر ٹریفک کنٹرولر سے رابطہ کیا اور طیارے کی ہنگامی لینڈنگ کی اجازت طلب کی۔ کپتان نے کامیابی سے طیارے کو بحفاظت لینڈ کرایا۔
طیارے میں 150 سے زائد مسافر سوار تھے۔ پی آئی اے کی انجینئرنگ ٹیم کراچی سے پی کے 304 پرواز کے ذریعے لاہور ایئرپورٹ روانہ کی جائے گی۔
ذرائع کے مطابق، انجینئرز کی ٹیم طیارے کی بورواسکوپک انسپکشن کرے گی، تاکہ انجن کو ہونے والے ممکنہ نقصان کا جائزہ لیا جا سکے۔
