لیبیا کے ساحل کے قریب پاکستانی شہریوں کو لے جانے والی ایک اور کشتی حادثے کا شکار ہو گئی۔
دفتر خارجہ کے ترجمان نے بتایا کہ پاکستانی سفارت خانہ طرابلس کے مطابق تقریباً 65 مسافروں کو لے جانے والی کشتی لیبیا کے شہر زاوِیہ کے شمال مغرب میں واقع مرسا ڈیلا کی بندرگاہ کے قریب الٹ گئی ہے۔
دفتر خارجہ کی طرف سے جاری کردہ بیان میں کہا گیا کہ پاکستانی سفارت خانہ نے فوراً زاوِیہ کے اسپتال میں ایک ٹیم بھیجی ہے تاکہ وہ مقامی حکام کے ساتھ مل کر جاں بحق افراد کی شناخت میں مدد فراہم کر سکے۔ اس کے علاوہ پاکستانی متاثرین کی مزید تفصیلات حاصل کرنے کی کوششیں بھی جاری ہیں۔
ترجمان نے مزید بتایا کہ وزارت خارجہ کا کرائسس مینجمنٹ یونٹ صورتحال کی نگرانی کے لیے فعال کر دیا گیا ہے۔ کسی بھی قسم کی معلومات یا مدد کے لیے درج ذیل نمبروں پر رابطہ کیا جا سکتا ہے:
پاکستانی سفارت خانہ طرابلس
📞 03052185882 (واٹس ایپ)
📞 +218913870577 (موبائل)
📞 +218 91-6425435 (واٹس ایپ)
کرائسس مینجمنٹ یونٹ، وزارت خارجہ، اسلام آباد
📞 051-9207887
📧 cmu1@mofa.gov.pk
