نیو یارک۔امریکا میں برڈ فلو کے بڑھتے ہوئے خطرات کے پیش نظر نیویارک میں تمام پرندوں کی مارکیٹوں کو بند کر دیا گیا ہے۔ نیویارک کے گورنر کے حکم پر یہ مارکیٹیں عوامی صحت کے تحفظ کے لیے بند کی گئی ہیں تاکہ برڈ فلو کے پھیلاؤ کو روکا جا سکے۔
گورنر نیویارک کے مطابق یہ اقدام برڈ فلو کی پھیلاؤ کو روکنے کے لیے ضروری تھا اور عوامی صحت کے حوالے سے اس فیصلے کا آغاز کیا گیا۔
نیویارک میں ابھی تک کسی بھی شخص میں برڈ فلو کی تشخیص نہیں ہوئی ہے، تاہم حکام نے اس بیماری کے پھیلاؤ کو روکنے کے لیے حفاظتی تدابیر کے طور پر فوری اقدامات کیے ہیں۔
یہ فیصلہ برڈ فلو کے خطرات کے پیش نظر کیا گیا ہے کیونکہ پرندوں کی مارکیٹوں میں وائرس کے پھیلنے کا امکان زیادہ ہوتا ہے، اور وہاں کام کرنے والوں اور خریداروں کو اس بیماری کے متاثر ہونے کا خطرہ ہوتا ہے۔
حکام کا کہنا ہے کہ وہ اس وقت تک مارکیٹیں بند رکھیں گے جب تک برڈ فلو کے خطرات کا مکمل جائزہ نہ لیا جائے اور بیماری کے پھیلاؤ کے امکانات کا خاتمہ نہ ہو جائے۔
مقامی ذرائع کے مطابق نیویارک میں ابھی تک کسی انسان میں برڈ فلو کی تشخیص نہیں ہوئی۔
ماہرین کے مطابق، برڈ فلو کے خطرات خاص طور پر سردیوں میں زیادہ بڑھ جاتے ہیں، کیونکہ اس موسم میں پرندوں کی ہجرت اور نقل مکانی کا عمل زیادہ ہوتا ہے، جو اس وائرس کے پھیلاؤ کو مزید بڑھا سکتا ہے۔
