بھارتی پنجاب کے جوڈیشل مجسٹریٹ نے 51 سالہ بالی ووڈ اداکار سونو سود کے خلاف مبینہ مالی فراڈ کے کیس میں وارنٹِ گرفتاری جاری کر دیے ہیں۔
بھارتی میڈیا کی رپورٹ کے مطابق، عدالتی طلبی کے باوجود سونو سود پیش نہیں ہوئے، جس کے بعد ان کے خلاف وارنٹ جاری کیے گئے۔ کیس کی اگلی سماعت 10 فروری کو مقرر کی گئی ہے۔
رپورٹس کے مطابق، لدھیانہ کے وکیل راجیش کھنہ نے موہت شکلا کے خلاف مقدمہ دائر کیا ہے، جس میں الزام عائد کیا گیا ہے کہ ان کو جعلی سرمایہ کاری کا جھانسہ دیا گیا۔ اس کیس میں سونو سود پر بالواسطہ طور پر ملوث ہونے کا الزام لگایا گیا ہے۔
