بالی ووڈ کی مشہور اداکارہ اور ڈانسر نورا فتیحی کے حوالے سے ایک جھوٹی خبر نے سوشل میڈیا پر ہلچل مچا دی۔ گزشتہ روز ایک ویڈیو وائرل ہوئی جس میں دعویٰ کیا گیا تھا کہ نورا فتیحی بنجی جمپنگ کے دوران حادثے میں ہلاک ہو گئی ہیں۔
اس ویڈیو کے وائرل ہوتے ہی مداحوں میں غم اور پریشانی کی لہر دوڑ گئی، کیونکہ ویڈیو کے کیپشن میں یہ دعویٰ کیا گیا تھا کہ حادثے میں ہلاک ہونے والی خاتون نورا فتیحی ہیں۔ ویڈیو میں دکھائی گئی خاتون کا چہرہ واضح نہیں تھا، تاہم اس کے باوجود 18 ملین سے زیادہ ویوز ملنے کے بعد کئی دیگر اکاؤنٹس نے بھی اس خبر کو شیئر کیا، جس سے لوگ اس پر یقین کرنے لگے۔
لیکن چند گھنٹوں بعد یہ حقیقت سامنے آئی کہ یہ خبر مکمل طور پر جھوٹی تھی اور نورا فتیحی بالکل ٹھیک ہیں۔ اداکارہ نے خود اس غلط خبر کی تردید کرتے ہوئے سوشل میڈیا پر ایک ویڈیو شیئر کی جس میں وہ بالکل صحت مند اور اپنے نئے گانے “Snake” کی پروموشن میں مصروف نظر آئیں۔
نورا فتیحی کے مداحوں نے اس جھوٹی خبر پر شدید برہمی کا اظہار کیا، اور سوشل میڈیا پر ان خبروں کے بارے میں غصہ اور مایوسی کا اظہار کیا گیا۔
اس افسوسناک واقعے کے بعد، مداحوں نے خوشی کا سانس لیا اور نورا کی صحتمندی پر خوشی کا اظہار کیا۔
