غزہ۔حماس نے 4 اسرائیلی خواتین فوجیوں کو یرغمالیوں کے طور پر رہا کر دیا۔عرب میڈیا کی رپورٹس کے مطابق حماس نے اسرائیلی یرغمالیوں کو ہلال احمر کے حوالے کر دیا۔رپورٹس کے مطابق ہلال احمر کی گاڑیاں یرغمالیوں کو لے کر رفح کی جانب روانہ ہو گئیں۔
غیر ملکی میڈیا کے مطابق آج رہا کی گئی خواتین فوجیوں کے نام کارینا اریئیو، ڈینیئلا گلبوہ، نعما لیوی، اور لیری الباگ ہیں، جو ایک ہی فوجی یونٹ کی رکن تھیں۔ یہ چاروں خواتین 7 اکتوبر 2023 کو حماس کے اسرائیل پر حملے کے دوران غزہ کے قریب تعینات تھیں۔
غیر ملکی میڈیا کے مطابق غزہ جنگ بندی معاہدے کے تحت ہر اسرائیلی فوجی کے بدلے 50 فلسطینی قیدیوں کو رہا کیا جائے گا، جس کا مطلب ہے کہ آج 200 فلسطینی قیدی بھی آزاد کیے جائیں گے۔
یاد رہے کہ 19 جنوری کو حماس نے جنگ بندی معاہدے کے تحت پہلے 3 اسرائیلی قیدیوں کو ریڈ کراس کے حوالے کیا تھا، جس کے بعد اسرائیلی جیل سے 90 فلسطینی قیدیوں کو بھی رہا کیا گیا تھا۔