اسلام آباد ۔ اسلام آباد میں سی ڈی اے کے تحت پلاٹوں کی اوپن نیلامی شروع ہو گئی ہے۔ یہ نیلامی گندھارا سٹی زین کلب، ایف نائن پارک میں کی جا رہی ہے اور یہ 3 اکتوبر تک جاری رہے گی۔ نیلامی میں مختلف کیٹیگریز کے کمرشل پلاٹس سرمایہ کاری کے لیے پیش کیے جا رہے ہیں۔ اس میں بلیو ایریا اور دیگر مراکز کے پلاٹس بھی شامل ہوں گے۔نیلامی میں موٹلز، اپارٹمنٹس اور کلاس تھری شاپنگ سینٹر کے پلاٹس کی بھی پیشکش کی جائے گی۔ نیلامی کے عمل کی نگرانی ممبر فنانس کی قیادت میں بنائی گئی کمیٹی کر رہی ہے۔
