کراچی: آج سونے کی قیمتوں میں عالمی اور مقامی سطح پر ایک بار پھر بڑا اضافہ دیکھنے کو ملا۔
عالمی بلین مارکیٹ میں فی اونس سونے کی قیمت 15 ڈالر کے اضافے کے بعد 2518 ڈالر تک پہنچ گئی۔
دوسری طرف، مقامی صرافہ مارکیٹوں میں جمعہ کے روز 24 قیراط فی تولہ سونے کی قیمت میں 1400 روپے کا اضافہ ہوا، جس کے بعد یہ 263500 روپے کی سطح پر پہنچ گئی۔ اسی طرح، فی 10 گرام سونے کی قیمت 1200 روپے بڑھ کر 225908 روپے تک پہنچ گئی۔
ملک میں سونے کی قیمتوں میں اضافے کے برعکس، فی تولہ چاندی کی قیمت 2900 روپے پر برقرار رہی، اور فی 10 گرام چاندی کی قیمت بھی بغیر کسی تبدیلی کے 2486.28 روپے پر مستحکم ہے۔
