ایک بھارتی کالج کے طالب علم نے گنیز ورلڈ ریکارڈ توڑتے ہوئے ایک ریفِل ایبل بال پوائنٹ پین کو دنیا کے سب سے چھوٹے ویکیوم کلینر میں تبدیل کر دیا ہے۔
23سالہ ٹپالہ نادومنی نے اپنی پین کو ایک ویکیوم کلینر میں تبدیل کرنے کے لیے تقریباً 238 ڈالر خرچ کیے، جس کا سب سے چھوٹا محور صرف .25 انچ ہے۔
انہوں نے کہا کہ ان کا چھوٹا ویکیوم کلینر ایک چھوٹے گھومنے والے پنکھے کے ذریعے سکشن پیدا کرتا ہے جو کہ چار وولٹ کی کمپن موٹر سے چلتا ہے، اور یہ دھول کے ذرات کو اٹھا لیتا ہے جنہیں پھر خالی کیا جا سکتا ہے۔
دنیا کی سب سے بڑی پاجاما پارٹی کا ریکارڈ
نادومنی نے 2020 میں اسی ریکارڈ کو اپنے نام کیا تھا جب انہوں نے .69 انچ کا ویکیوم کلینر بنایا تھا، لیکن بعد میں ایک چھوٹے ڈیوائس نے انہیں ہرا دیا جو کہ ان کی حالیہ تخلیق سے صرف .07 انچ بڑا تھا۔
نادومنی نے گنیز ورلڈ ریکارڈز کو بتایا، ہماری کالج میں تمام طلباء اس چھوٹے ویکیوم کلینر کو دیکھ کر حیران رہ گئے، اور میرے فیکلٹی نے مجھے بتایا کہ یہ ان کی سب سے خوبصورت تخلیق ہے جو انہوں نے کبھی دیکھی ہے۔