آئی سی سی ویمنز ٹی20 ورلڈکپ میں پاکستان کی سیمی فائنل میں پہنچنے کی امیدیں برقرار ہیں۔
دبئی کرکٹ اسٹیڈیم میں گروپ اے کے میچ میں پاکستان کو نیوزی لینڈ کے خلاف لازمی فتح کی ضرورت ہے، جہاں دونوں ٹیمیں پیر کو آمنے سامنے ہوں گی۔ یہ میچ مقامی وقت کے مطابق شام 7 بجے شروع ہوگا۔
قومی ٹیم کی تیاری کے سلسلے میں آج شام 6 سے رات 9 بجے تک ہیڈ کوچ محمد وسیم کی نگرانی میں ایک پریکٹس سیشن بھی منعقد ہوگا، تاکہ کھلاڑی کیویز کے خلاف کامیابی کے لیے تیار ہو سکیں۔
پاکستان نے ابتدائی میچ میں سری لنکا کو شکست دی تھی، لیکن بعد میں بھارت اور آسٹریلیا کے ہاتھوں شکست نے انہیں گروپ اے میں تیسری پوزیشن پر پہنچا دیا ہے۔
