عمران خان کی بائیوپک کیلئے کونسا اداکار، ندیم بیگ نے انتخاب کرلیا

پاکستانی فلم انڈسٹری کے معروف فلمساز ندیم بیگ نے سیاسی شخصیات پر مبنی بائیوپک بنانے کے حوالے سے اپنے خیالات کا اظہار کیا ہے۔ ایک انٹرویو میں، انہوں نے مختلف سیاسی رہنماوں کے کرداروں کے لیے اداکاراؤں کے انتخاب کے بارے میں بتایا۔

ندیم بیگ نے کہا کہ اگر وہ ذوالفقار علی بھٹو پر بائیوپک بناتے ہیں تو اس کردار کے لیے مرحوم محمد علی کا انتخاب کریں گے۔ اسی طرح، انہوں نے عمران خان کی بائیوپک کے لیے اداکار حمزہ علی عباسی کو منتخب کیا۔

بےنظیر بھٹو کے کردار کے لیے انہوں نے مہوش حیات کا نام لیا، جبکہ مریم نواز کے لیے ہانیہ عامر اور عائزہ خان میں سے ہانیہ عامر کو بہترین انتخاب قرار دیا۔

ندیم بیگ نے یہ بھی کہا کہ ہانیہ عامر اس کردار کے لیے بہترین اور پرفیکٹ امیدوار ہیں۔ ان کا یہ انتخاب پاکستان کی سیاسی تاریخ میں دلچسپی رکھنے والے شائقین کے لیے خاصا دلچسپ ہوگا۔