لاہور۔اداکارہ جویریہ عباسی آخر کار اپنے شوہر کو مداحوں کے سامنے لے آئیں۔ انہوں نے اپنے انسٹا گرام اکاو¿نٹ پر نکاح کی تصاویر شیئر کی ہیں، جن میں دونوں خوشگوار موڈ میں نظر آ رہے ہیں۔یہ تصاویر نکاح کے دن کی ہیں، جہاں جویریہ نے گلابی اور سنہری رنگ کا لباس پہنا ہوا ہے جبکہ ان کے شوہر نے سفید لباس منتخب کیا ہے۔ ان تصاویر میں نکاح کی رسومات، کیک کاٹنے، شیشہ دیکھنے، اور نکاح کے کاغذات پر دستخط کرتے ہوئے لمحات شامل ہیں۔اس سے قبل، جویریہ عباسی نے اپنی بیٹی، اداکارہ اور ماڈل عنزیلہ عباسی، اور دیگر شوبز شخصیات کے ساتھ بھی تصاویر شیئر کی تھیں جو اس تقریب میں شریک تھیں۔جویریہ عباسی کی پہلی شادی 1997 میں اداکار شمعون عباسی سے ہوئی تھی، لیکن 12 سال بعد ان دونوں کی علیحدگی ہوگئی۔ شمعون عباسی سے ان کی ایک بیٹی عنزیلہ عباسی ہیں، جن کی شادی گزشتہ سال ہو چکی ہے۔ جویریہ نے اس سال مئی میں اپنی منگنی کا اعلان کیا تھا۔
